د انسان سمې ایدې له کومه سرچېنه اخلي؟ آیا له آسمانه رانازلېږي؟ نه. آیا هغه د انسان د مغزو ذاتي ځانګړتیاوې دي؟ بیا هم نه. د انسان سمې ایدې یوازې له ټولنیز پراتیک څخه سرچېنه اخلي. یانې له دغو درې ډوله ټولنیزو پراتیکونو څخه: تولیدي مبارزه، طبقاتي مبارزه او آزمایښتي آزموینې. د انسان ټولنیز شتونوالی د هغه د فکر ټاکونکی دی.
سمې ایدې، چې د پرمخ تللې طبقې له ځانګړنې څخه دي، ماذې دا چې پرګنو هغه زده کړې، د ټولنې او نړۍ د بدلولو لپاره به په مادي ځواک بدلې شي. انسانان د خپل ټولنیز پراتیک په لړ کې په ډولاډول مبارزاتو کې برخه اخلي او له بریاوو او ماتو څخه پرېمانه تجربې ترلاسه کوي.
د بهرنۍ عیني نړۍ بې شمېره پدیدې د پنځګوني حواس غړو – سترګو، غوږونو، پوزې، ژبې او د پوټکي - په وزله (وسیله) د انسان مغزو ته آزانګه (انعکاس) مومي، چې په پیل کې یوازې حسي پېژندنه په لاس راکوي. د حسي ادراک کافي مالوماتو په راغونډېدو سره یو غورځنګ رامنځ ته کېږي او حسي پېژندنه په تعقلي یانې په ایدې بدلېږي. دا د پېژندنې یوه پروسه ده.
مائوتسه دون
![download PDF file](https://blogger.googleusercontent.com/img/b/R29vZ2xl/AVvXsEjOul1EDeTUwRc7hvCnJXrAvoEOiv_RmiNx3hO6PDZKgxuUzeUuFzODUGNGmDSwm-8gYivrPQFiKJFBM5E5xPhydVgio4KHClsLvK8p9i_idEmRQAoaCVeV4eQskEk-ShyphenhyphenKqxolEQ/s200/pdf.jpg)
Labels: پښتو، مائو، کمونیزم